في حديثها الأخير خلال برنامج “عندي سؤال” الذي يقدمه الإعلامي محمد قيس، كشفت الفنانة المغربية بسمة بوسيل عن المواصفات التي تبحث عنها في الرجل في حال فكرت في الارتباط مجددًا.
أكدت بوسيل أنها تفضل شريكًا يكون “قريبًا من ربنا”، مشيرة إلى أنها لا تبحث عن شخص متدين بشكل مفرط، بل شخص يعرف الله ويخافه، حيث قالت: “يكون بيصلي 5 مرات في اليوم وأشوفه قدامي بيصلي، عشان دا العمود بتاع كل حاجة”. وأضافت: “لما أنت بتخاف ربنا، بيكون في تربية من جواك، ومش هقدر أكذب عشان ربنا هيزعل مني”.
وعلى الرغم من مواصفاتها، أوضحت بوسيل أنها ليست جاهزة بعد للارتباط، قائلة: “أنا لسه مش جاهزة للارتباط، مش بستحمل حد يتحكم فيا أبداً”. وأكدت أنها تفضل الحرية، حيث قالت: “عايزة أكون مع نفسي في راحة، عايزة أصحى الصبح أسافر أي مكان أو أدخل استوديو أغني أو أروح شركتي”.
وأشارت إلى أن مشاعرها الحالية ناتجة عن ترسبات من الماضي، مضيفة: “لما تبقى حاسس أنك مسجون وطلعت من السجن، طبيعي مش هتبقى عايز حد يكلمك، عايزة حرية”.